Ísland, Iceland

Jæja hverjum langar að sprengja upp ísland, hvaða snillingur hérna er með þessa upptöku

Sagan af því þegar Ísland fékk NÆSTUM að heyra upptöku af því þegar Ásmundur Einar mennta- og barnamálaráðherra kom upp um sinn innri pervert.

Ég sit hérna og er að hlusta á hlaðvarpið Lömbin þagna ekki. Í stuttu máli sagt get ég ekki annað en trúað hverju orði sem þarna kemur fram, bæði hvað varðar meint innræti Ásmundar Einars Daðasonar, mennta- og barnamálaráðherra, og vinnubrögð Lögreglunnar á Vesturlandi. Um lögregluna ætla ég þó ekki að tjá mig í dag. Ég ætla að rifja upp ákveðna atburðarás sem átti sér stað á árunum 2015-2018 og hefur alla tíð síðan valdið mér hugarangri.

Ég er ættuð af Vesturlandi og á móðurbróður sem heitir Ámundi Sigurðsson, sem er fyrrum formaður meistaraflokksráðs kvenna hjá Skallagrími, og reyndar líka fyrrverandi lögreglumaður, og er mikill vinur Ásmundar Einars. Ámundi hefur alltaf fengið að stjórna öllu í körfuboltanum í Borgarnesi, með hjálp Ásmundar Einars, og hefur vægast sagt komið illa fram við mig og fleiri í gegnum tíðina. Allar dætur hans Ámunda hafa verið í körfuboltanum í Borgarnesi. Ámundi hefur ekkert sérstakt orð á sér, en stutt leit á vefnum um hann sýnir að margir hafa slæma reynslu af hans framkomu, sem fjölmiðlar hafa áður fjallað um.

Ásmundur Einar núverandi barnamálaráðherra var formaður kvennaráðs hjá Skallagrími árin 2015-2017. Atvikalýsing sem mér og fleirum barst í skilaboðum á samfélagsmiðlum árið 2015 hljómaði þannig, að Ásmundur og Ámundi hefðu sótt unga bandaríska körfuboltakonu á Keflavikurflugvöll árið 2015 og setið með henni í bíl sem keyrði þau í Borgarnes. Körfuboltakonan unga var að vonum spennt fyrir íslensku umhverfi í bílferðinni og tók upp myndband af landslaginu á Ipadinn sinn. Hún skildi auðvitað ekki orð í íslensku, sem Ásmundur og Ámundi nýttu sér til þess að tala andstyggilega og kynferðislega um hana á leiðinni, en sú orðræða náðist fyrir tilviljun á stutta upptöku hennar á meðan hún dáðist að landslaginu. Þeir heyrðust meðal annars ræða um húðlit hennar og töluðu óheflað um kynferðislegar og jafnvel ofbeldisfullar langanir sínar í því samhengi til hennar og hlógu. Unga konan sendi upptökuna á liðsfélaga sína á samfélagsmiðlum, grunlaus um kynferðislegar og grófar athugasemdir um hana, uppruna og útlit, í tali mannanna í bakgrunni. En þau sem sáu upptökuna skildu auðvitað íslensku og heyrðu munnsöfnuð mannanna sem þau báru kennsl á sem Ámunda og Ásmund Einar, í bakgrunni. Upptökunni var eytt af samfélagsmiðli ungu konunnar fljótlega eftir að hún var birt, um leið og stelpan var komin á leiðarenda í Borgarnes.

Það kann að vekja undrun eða efasemdir að allar stelpurnar í körfuboltanum hafi kosið að þegja yfir því sem þær heyrðu á upptökunni í öll þessi ár, vitandi að sjálfur ráðherra velferðar og barnaverndar á Íslandi talaði svona um unga konu. Það að allar dætur hans Ámunda voru í körfuboltaliðinu hjá Skallagrími á þessum tíma gæti þó útskýrt þögn þeirra að einhverju leyti, en þó gæti vel verið að fleira liggi þar að baki. Í þessu samhengi kemur það ef til vill ekki neinum á óvart að ein af dætrum Ámunda var ráðin í ábyrgðarstöðu innan ráðuneytis Ásmundar árið 2021. Ég skal ekki segja hvort hún hafi verið sú hæfasta í hlutverkið, en samkvæmt mínum heimildum var það einmitt umrædd dóttir Ámunda sem fékk bandarísku körfuboltakonuna til að eyða upptökunni af samfélagsmiðlum þegar hún kom í Borgarnes á sínum tíma.

Upptakan fór þó í einhverja dreifingu á samfélagsmiðlum en ekki þannig að margir hafi náð að vista upptökuna. Ég er ein af þeim sem sá upptökuna en vistaði hana ekki. Réttlætis- og siðferðiskennd minni var gersamlega misboðið og árið 2018, þegar hegðun Ámunda gagnvart þjálfara Skallagríms var til umfjöllunar í fjölmiðlum, átti ég samskipti við blaðamann DV um að koma innihaldi upptökunnar í umfjöllun. DV birti þá frétt um upptökuna og tilkynnti að nánari umfjöllun um hana væri væntanleg. Stuttu síðar hvarf sú frétt af vefnum eins og margir muna og aldrei fékkst nein skýring á því hvers vegna ekki varð af umfjölluninni.

Eftir að systurnar þrjár, frænkur Ásmundar Einars Daðasonar, upplýstu um vafasama hegðun og fortíð hans í hlaðvarpinu Lömbin þagna ekki, gróf ég upp samskipti mín við umræddan blaðamann. Ég finn mig knúna til að birta þessi samskipti þó ekki væri nema til þess að renna stoðum undir þann grun systranna þriggja um að Ásmundur kunni að nýta sér valdastöðu sína með óeðlilegum hætti. Ég lít þannig á að almenningur eigi heimtingu á að vita þetta um ráðherra mennta - og barnamála á Íslandi.

Lýsing systranna í hlaðvarpi þeirra á hegðun Ásmundar Einars Daðasonar, styrkir enn frekar þann grun minn að ástæða þess að fréttin fór aldrei fyrir augu almennings sé að einhver hafi komið í veg fyrir það. Blaðamanni DV virtist augljóslega sjálfum brugðið yfir því að fréttin hafi ekki verið birt og réttlætiskennd hans líka misboðið. Ritstjóri DV á þessum tíma var Kristjón Kormákur Guðjónsson, sem seinna, árið 2022, viðurkenndi að hafa brotist inn á skrifstofur Mannlífs og greindi þá frá fíkniefnavanda sínum. Þá er ekki hægt að útiloka að einhver kunni að hafa misnotað sér aðstæður sínar gagnvart ritstjóra í veikri stöðu eða hreinlega að honum hafi verið ógnað eða hann keyptur til þagnar.

Er ekki tími til kominn að skoðað verði nánar hvort barnamálaráðherra sé yfirleitt hæfur í þessa stöðu? Eða finnst okkur bara alveg í lagi að maður sem talar eins og kynferðisbrotamaður um stúlku sem hann er í ábyrgð gagnvart, sé æðsti yfirmaður allra barnaverndarmála á Íslandi?